Þjóðskrá Íslands

Breyttur afgreiðslutími vegabréfa

Afgreiðslutími vegabréfa er 10 virkir dagar, þ.e.a.s. vegabréfin fara í póst á 10 virka degi frá því að sótt var um. Umsóknardagurinn er fyrsti dagur. Sjá meðfylgjandi töflu.

Ef sótt er um:	Fer vegabréfið í póst:
Á mánudegi	Föstudag í næstu viku
Á þriðjudegi	Mánudag í þarnæstu viku
Á miðvikudegi	Þriðjudag í þarnæstu viku
Á fimmtudegi	Miðvikudag í þarnæstu viku
Á föstudegi	Fimmtudag í þarnæstu viku

ATHUGIÐ að ef frídagar eru á tímabilinu lengist afgreiðslutími sem því nemur.

Athugasemd til ferðamanna

Undanfarin misseri hefur það margítrekað komið fyrir að Íslendingar á leið til útlanda hafa orðið fyrir því að þeir lenda í vandræðum vegna gildistíma vegabréfa, er synjað um landgöngu eða synjað um að fara um borð í flugvélar, ef vegabréf þeirra gilda ekki að minnsta kosti sex mánuðum lengur en áætluð dvöl í viðkomandi ríki.

Utanríkisráðuneytið hvetur alla þá sem eru á leið til ríkja utan EES svæðisins að huga að því að fá nýtt vegabréf, ef minna en sex mánuðir eru eftir af gildistíma gamla vegabréfsins þar sem búast má við að ríki geri kröfu um og setji það sem skilyrði fyrir landgöngu að vegabréf gildi a.m.k. sex mánuði fram yfir áætlaðan dvalartíma í viðkomandi ríki.

Afhending vegabréfa breytist

Frá og með 2. maí 2011 breytist afhending vegabréfa hjá Þjóðskrá Íslands. Ekki verður lengur hægt að sækja vegabréf í afgreiðsluna, Borgartúni 21 nema um sé að ræða hraðafgreiðslu. Framvegis verða vegabréf send í pósti til umsækjanda, á þann stað sem hann tiltekur eða á skrifstofu sýslumannsembættis. Ef umsækjandi sækir um hraðafgreiðslu og greiðir fyrir hana getur hann sótt vegabréfið í afgreiðslu Þjóðskrár Íslands eða fengið það sent til sín í pósti.