Unnið er að því hvernig best sé að standa að nútímavæðingu fasteignaskrár og tekur það einkum á landfræðilegri afmörkun fasteigna (lands og mannvirkja) og staðsetningu staðfanga.
Landeignaskrá
Allar lóðir og jarðir á Íslandi verða landfræðilega afmarkaðar í miðlægri fasteignaskrá Þjóðskrár Íslands en viðhaldið af sveitarfélögum og öðrum samþykktum skráningaraðilum. Í landeignaskrá verður jafnframt haldið utan um mæliupplýsingar, lóðablöð og fleira er við kemur hnitsetningu og uppmælingu landamerkja.
Sjá nánar stefnumörkun innanríkisráðuneytis í málefnum landeignaskrár.
Mannvirkjaskrá
Staðfangaskrá
Þjóðskrá Íslands mun í samstarfi við aðrar ríkisstofnanir og aðra hlutaðeigandi aðila, hanna og viðhalda staðfangaskrá. Að samræma skráningu staðfanga á Íslandi felur í sér að tryggja einkvæmni upplýsinga, minnka kostnað hins opinbera við viðhald slíkrar skrár og auka gæði gagna. Hnitsetning staðfangs er almennt miðað við aðgengi inn á lóð eða byggingu.