Spurt og svarað um breytta skráningu á kyni samhliða nafnbreytingu

Spurt og svarað um skráningu á kyni og samhliða nafnbreytingu

    • Hægt er að óska rafrænt eftir breyttri skráningu á kyni og samhliða nafnbreytingu á eyðublaði A-180. Einstaklingur þarf að skrá sig inn á eyðublaðið með Íslykli eða rafrænum skilríkjum.
    • Einnig er hægt að mæta í afgreiðslu Þjóðskrár Íslands í Reykjavík eða á Akureyri og óska eftir breyttri skráningu á kyni og samhliða nafnbreytingu og þá þarf að framvísa löggiltum skilríkjum.
    • Einstaklingar sem bera kenningu til móður eða föður verða að breyta kenninafni sínu til samræmis við breytta skráningu á kyni. Kenninafns endingin tekur mið af kynskráningu, konur og stúlkur skulu verða –dóttir og karla og drengir –son. Eins eiga einstaklingar sem óska eftir breyttri skráningu á kyni rétt á að breyta eiginnafni sínu.
    • Kynbreyting og samhliða nafnbreyting kostar 9.000 kr. og verður skráningu ekki breytt fyrr en greiðsla liggur fyrir. Sé beiðni um breytta skráningu og samhliða nafnbreytingu skilað inn með rafrænum hætti þá er greiðsluseðill sendur í heimabanka einstaklings.
    • Barn yngra en 18 ára getur með fulltingi forsjáraðila sinna breytt skráningu kyns síns og samhliða nafnbreytingu.
    • Hægt er að óska rafrænt eftir breyttri skráningu á kyni og samhliða nafnbreytingu eyðublað A-180. Nota þarf Íslykil eða rafræn skilríki barnsins við innskráningu inn á eyðublaðið.
    • Forsjáraðilar þurfa að taka afstöðu til beiðninnar með því að skrá sig inn á eyðublað A-182. Tölvupóstur verður sendur umsækjanda þegar staðfestingarformin eru tilbúin.
    • Séu forsjáraðilar barns tveir þá þarf staðfesting þeirra beggja á breyttri skráningu að liggja fyrir.
    • Einnig er hægt að mæta í afgreiðslu Þjóðskrár Íslands í Reykjavík eða á Akureyri og þá þarf að framvísa löggiltum skilríkjum.
    • Einstaklingar sem bera kenningu til móður eða föður verða að breyta kenninafni sínu til samræmis við breytta skráningu á kyni. Kenninafnsendingin tekur mið af kynskráningu, konur og stúlkur skulu verða –dóttir og karla og drengir –son. Eins eiga einstaklingar sem óska eftir breyttri skráningu á kyni rétt á að breyta eiginnafni sínu.
    • Kynbreyting og samhliða nafnbreyting kostar 9.000 kr. verður skráningu ekki breytt fyrr en greiðsla liggur fyrir. Sé beiðni um breytta skráningu og samhliða nafnbreytingu skilað inn með rafrænum hætti þá er greiðsluseðill sendur í heimabanka forsjáraðila.
    • Liggi upplýsingar um forsjá barns ekki fyrir hefur Þjóðskrá Íslands samband og kallar eftir gögnum er varða forsjána.
    • Njóti barn ekki stuðnings forsjáraðila sinna, annars eða beggja, til að breyta kyni sínu getur það lagt ósk um breytingu fyrir sérfræðinefnd og breytt skráningunni ef sérfræðinefndin fellst á erindi þess.
    • Nýmæli í lögum um kynrænt sjálfræði nr. 80/2019 er að einstaklingar geta óskað eftir hlutlausri skráningu á kyni sínu í þjóðskrá og er einstaklingum með hlutlausa skráningu kyns heimilt að nota nafn föður eða móður í eignarfalli án viðbótar eða að viðbættu bur, sem kenninafn.
    • Vakin er athygli á því að Þjóðskrá Íslands hefur 18 mánaða frest til að aðlaga kerfi sín til að hlutlausri kynskráningu.  Því er ekki hægt að verða við slíkri skráningu fyrr en að þeim fresti liðnum en tilkynnt verður um það á vef stofnunarinnar þegar skráning hlutlauss kyns verður möguleg.
    • Sé verið að óska eftir nafnbreytingu samhliða ósk um breytta skráningu á kyni þá er það gert á einu og sama eyðublaði A-180. Einstaklingur þarf að skrá sig inn á eyðublaðið með Íslykli eða rafrænum skilríkjum.
    • Eigi eingöngu að óska eftir nafnbreytingu þá er það gert á eyðublaði A-113 (18 ára og eldri) eða A-114 (17 ára og yngri).
    • Einnig er hægt að mæta í afgreiðslu Þjóðskrár Íslands í Reykjavík eða á Akureyri og óska eftir nafnbreytingu og þá þarf að framvísa löggiltum skilríkjum.
    • Sé nafn sem óskað er eftir ekki á mannanafnaskrá þarf að sækja um nafnið til mannanafnanefndar. Greiða þarf fyrir umfjöllun nefndarinnar og svo einnig fyrir nafnbreytinguna. Áður en krafa er gerð um greiðslu þá er staðfest við einstaklinginn hvort sækja eigi um nafnið.
    • Gjald fyrir breytta skráningu á kyni og samhliða nafnbreyting er 9.000 kr. og þarf að greiða það áður en breyting er skráð.
    • Gjald fyrir eiginnafns- og millinafnsbreytingu er 9.000 kr. og þarf að greiða það áður en breyting er skráð.
    • Gjald fyrir gjaldskyldar kenninafnsbreytingar er 9.000 kr. og þarf að greiða það áður en breyting er skráð.
    • Beiðni um breytta skráningu á kyni og samhliða nafnbreyting er tekin til vinnslu innan 2 virkra daga frá því að beiðni og/eða greiðsla berst.
    • Í tilvikum barna þá er beiðni tekin til vinnslu innan 2 virkra daga frá því að staðfesting forsjáraðila og/eða greiðsla berst. 
    • Misjafnt er hvenær fyrirtæki og stofnanir uppfæra hjá sér þjóðskrárupplýsingar og því getur verið að eldri skráning birtist í einhvern tíma hjá fyrirtækjum og stofnunum.
    • Einstaklingur á rétt á því að fá útgefin persónuskilríki sem samrýmast breytingunni. Vakin er  athygli á því að í kjölfar breytingar á skráðu kyni og nafnbreytingar er æskilegt að sækja um ný skilríki, t.d. vegabréf og ökuskírteini. Einstaklingar þurfa sjálfir að sækja um og greiða fyrir ný skilríki í kjölfar breytinga á skráningu.