Umhverfisstefna

Græn skref og heimsmarkmið Sameinuðu þjóðanna

Þjóðskrá fylgir Grænum skrefum í ríkisrekstri.
Þjóðskrá fylgir vistvænni innkaupastefnu ríkisins.
Þjóðskrá innleiðir heimsmarkmið Sameinuðu þjóðanna um sjálfbæra þróun og nýtir þau stefnumótun og framtíðarsýn stofnunarinnar.
Allt sem til fellur hjá stofnuninni er endurnýtt, endurunnið eða ef það er óhjákvæmilegt, fargað eftir réttum leiðum.
Haldið er grænt bókhald og unnið jafnóðum að leiðum til að minnka orkunotkun.
Í samgöngustefnu eru markmið sett um fækkun ferða auk þess sem stuðlað er og hvatt til umhverfisvænni ferðamáta.
Þjóðskrá er fyrirmyndar í loftslagsmálum og dregur markvisst úr losun gróðurhúsalofttegunda.
Þjóðskrá gerir kröfur til þjónustuaðila og byrgja um að vera ábyrg í samfélags- og umhverfismálum.
Þjóðskrá er með samgöngustyrki fyrir umhverfisvænni ferðamáta og nýtir aðra hvata til að fjölga umhverfisvænni ferðum.

Innan Þjóðskrár starfar umhverfishópur sem hefur það að sameiginlegu markmiði að Þjóðskrá og starfsmenn fylgi settum markmiðum.
Umhverfishópur skal gera áætlun fyrir framkvæmdastjórn um hvernig græn skref skulu viðhaldið og endurskoðuð.
Með þjálfun starfsmanna og ábyrgð hvers og eins er lagður grunnur að aukinni vitund í umhverfismálum.
Innleiðing straumlínustjórnunar - eftirfylgni umbóta, árangur sé mælanlegur og sýnilegur.

Allt útgefið efni Þjóðskrár skal vera aðgengilegt á rafrænan hátt.
Rafræn miðlun upplýsinga og gagna tryggir öryggi gagna og sparar viðskiptavinum sporin, sparar pappír og er þar af leiðandi umhverfisvænni.
Þjóðskrá er leiðandi meðal ríkisstofnana þegar kemur að miðlun gagna og upplýsinga á rafrænan máta og nýtir til þess stjórnkerfi upplýsingaöryggis með BSI vottun, skv. ISO 27001 staðlinum.

Langtímasýn og stefnur hjá Þjóðskrá skulu taka mið af umhverfis- samfélags- og loftslagsstefnu.
Árið 2025 mun Þjóðskrá vera búin að draga úr losun gróðurhúsalofttegunda um 50% á ársverk miðað við árið 2019.
Þjóðskrá mun kolefnisjafna alla eftirstandandi losun með kaupum á kolefniseiningum.

Umhverfisstefnan og loftslagsstefnan, og grænu skrefin skulu endurskoðuð á tveggja ára fresti.
Verkferlar verða yfirfarnir og endurbættir með reglubundnum hætti.
Árangur stofnunarinnar í umhverfismálum skal vera kynntur og miðlað í ársskýrslu Þjóðskrár.
Markmiðasetning í loftslagsmálum skal endurskoðuð reglulega.
Umhverfishópur Þjóðskrár og framkvæmdarstjórn bera ábyrgð á stefnunni og að henni sé framfylgt.
Stefnan er birt á ytri vef stofnunarinnar sem og í starfsmannahandbók.

Losun GHL verði búin að minnka um 50%
Þar af er losun vegna aksturs 50%, flugsamgangna 55%, úrgangs 50% og rafmagns 20%

Þjóðskrá fylgir grænum skrefum í ríkisrekstri

Þjóðskrá fylgir vistvænni innkaupastefnu ríkisins.