Spurt og svarað varðandi Alþingiskosningar
Þegar kjörskrá hefur verið birt þann 31. október 2024 er hægt að fletta upp kjörstað í uppflettingunni Hvar á ég að kjósa?. Þar er einnig að finna upplýsingar um kjördeild kjósenda.
Kjósendur eru á kjörskrá í því sveitarfélagi og á þeim kjörstað þar sem þeir eiga skráð lögheimili þann 29. október 2024, þegar kjörskrá var gerð.
Kjörstaður breytist ekki vegna flutninga sem eru skráðir eftir kl. 12 þann dag.
Ef þú færð engar upplýsingar í uppflettingunni gæti eftirfarandi verið ástæðan, breytingar sem voru gerðar eftir 29. október 2024 skila sér ekki í uppflettinguna Hvar á ég kjósa?:
- Ég fékk nýlega íslenskt ríkisfang:
Ef þú hefur fengið skráð íslenskt ríkisfang eftir gerð kjörskrár þann 29. október síðast liðinn og hefur ekki fengið bréf frá Þjóðskrá um leiðréttingu á kjörskrá í pósthólf á Ísland.is eða í tölvupósti, getur þú sent erindi á kosningar@skra.is.
- Það er búið að samþykkja að leiðrétta mig inn á kjörskrá en finn mig ekki í Hvar á ég að kjósa?
Leiðréttingar á kjörskrá sem eru samþykktar eftir gerð kjörskrá þann 29. október, eru ekki aðgengilegar í uppflettingunni Hvar á ég að kjósa?
Mikilvægt er að hafa bréfið frá Þjóðskrá sem staðfestir kosningarétt, meðferðis á kjörstað þegar er kosið.
- Ég fékk nýlega íslenskt ríkisfang:
- Íslenskur ríkisborgari sem náð hefur 18 ára aldri á kjördag og á lögheimili hér á landi
- Íslenskur ríkisborgari, sem náð hefur 18 ára aldri og hefur ÁTT lögheimili hér á landi, á kosningarrétt í sextán ár frá því að hann flytur lögheimili af landinu.
- Eftir 16 ára búsetu erlendis skal sækja um til Þjóðskrár Íslands að vera tekinn á kjörskrá. Umsókn þarf að hafa borist fyrir 1.12.2023 til að vera á kjörskrá vegna alþingiskosninga 30.11.2024.
- Alþingi staðfestir með lögum hvort gildistíma verði breytt vegna þingrofs.
- Ekki þarf að sækja um aftur ef umsókn hefur verið samþykkt eftir 1.12.2023.
- Erlendir ríkisborgarar
- Íslenskir ríkisborgarar, fæddir erlendis og hafa aldrei átt lögheimili á Íslandi
- Íslenskir ríkisborgarar búsettir erlendis lengur en 16 ár og skiluðu EKKI umsókn um að vera tekinn á kjörskrá fyrir 1. desember 2023
Ef kjósandi hefur ekki tök á að kjósa á sínum kjörstað þann 30. nóvember nk. er hægt að kjósa utan kjörfundar hjá sýslumönnum.
Athugið að ef kosið er utankjörfundar á kjördag þarf kjósandi sjálfur að koma atkvæði sínu til skila til kjörstjórnar í því kjördæmi sem kjósandi er á kjörskrá.
Hver hefur kosningarétt í íbúakosningum?
- Íslenskir ríkisborgarar sem hafa náð 18 ára aldri á kjördag og eiga lögheimili í sveitarfélaginu.
- Norrænir ríkisborgarar (frá Danmörku, Finnlandi, Noregi eða Svíþjóð) sem hafa náð 18 ára aldri á kjördag og eiga lögheimili í sveitarfélaginu.
- Erlendir ríkisborgarar sem hafa átt samfellda búsetu á Íslandi í að minnsta kosti 3 ár fyrir lok kjörfundar og eiga lögheimili í sveitarfélaginu.
- Sveitarstjórn getur ákveðið að lækka kosningaaldur í 16 ár í íbúakosningum.
Kjósandi þarf að vera skráður með lögheimili í sveitarfélaginu fyrir kl. 12 á hádegi, 22 dögum áður en atkvæðagreiðsla hefst, samkvæmt Þjóðskrá.