Stefnur
Stefnur
Stefna Þjóðskrár Íslands
Framtíðarsýn Þjóðskrár Íslands er að veita fyrsta flokks þjónustu sem sparar viðskiptavinum sporin hvar sem er – hvenær sem er.
Einnig að greiða götu fólks og fyrirtækja í samfélaginu og gæta upplýsinga um réttindi þeirra og eignir.
Við sinnum því meðal því að safna, varðveita og miðla upplýsingum um fólk, mannvirki og landeignir.
Hvar sem er hvenær sem er - Stefna Þjóðskrár Íslands 2018-2021
Stefna um miðlun 2019-2021
Miðlun upplýsinga hjá Þjóðskrá Íslands
Jafnlaunastefna
Jafnlaunastefna þessi kveður á um markmið og aðgerðir til að tryggja starfsfólki Þjóðskrár Íslands þau réttindi sem kveðið er á um í 19. grein jafnréttislaga nr. 10/2008.
Þjóðskrá Íslands skal sjá til þess að starfsfólk sem starfar hjá stofnuninni fái greidd jöfn laun og njóti sömu kjara fyrir störf sem teljast sambærileg og jafn verðmæt. Forsendur launaákvarðana eru í samræmi við launastefnu, kjara- og stofnanasamninga. Ákvörðun um kjör starfsmanna skal byggð á málefnalegum sjónarmiðum sem varða starfið og hæfniskröfur til þess. Þessi sjónarmið gilda hvort sem ákvörðun varðar laun, hlunnindi, lífeyris-, orlofs-, veikindaréttindi eða réttindi sem metin verða til fjár. Starfsmönnum skal ávallt heimilt að skýra frá launakjörum sínum ef þeir kjósa svo. Við ákvörðun launa skal þess gætt að kynjum sé ekki mismunað og einstaklingar skulu fá greitt fyrir störf sín út frá verðmæti þeirra óháð kyni, kynvitund eða öðrum ómálefnalegum ástæðum.
Þjóðskrá Íslands skuldbindur sig til að :
- Innleiða, skjalfesta og viðhalda jafnlaunakerfi í samræmi við kröfur jafnlaunastaðalsins ÍST 85:2012 og öðlast vottun í samræmi við lög 56/2017 um jafnlaunavottun.
- Setja fram jafnlaunamarkmið og rýna þau.
- Fylgja viðeigandi lagalegum kröfum og öðrum kröfum sem Þjóðskrá Íslands undirgengst varðandi meginregluna um að konum og körlum skuli greidd jöfn laun fyrir sömu eða jafnverðmæt störf.
- Framkvæma innri úttekt árlega og rýni stjórnenda.
- Bregðast við frábrigðum með því að sinna stöðugum umbótum og eftirliti.
- Kynna jafnlaunastefnuna fyrir starfsfólki og hafa hana aðgengilega almenningi.
Umhverfisstefna
Þjóðskrá Íslands er í fararbroddi meðal stofnana ríkisins í söfnun, varðveislu og miðlun upplýsinga á rafrænu formi. Umhverfisstefnan tekur mið af þeim áskorunum sem við blasa, með það að markmiði að þjónustan sé snjöll, skilvirk og sjálfvirk á hverjum tíma.
Græn skref í ríkisrekstri í forgrunni
- Þjóðskrá Íslands fylgir Grænum skrefum í ríkisrekstri.
- Þjóðskrá Íslands fylgir vistvænni innkaupastefnu ríkisins.
- Allt sem til fellur hjá stofnuninni er endurnýtt, endurunnið eða ef það er óhjákvæmilegt, fargað eftir réttum leiðum.
- Haldið er grænt bókhald og unnið jafnóðum að leiðum til að minnka orkunotkun.
- Í samgöngustefnu eru markmið sett um fækkun ferða auk þess sem stuðlað er og hvatt til umhverfisvænni ferðamáta.
Umbótastjórnun
- Innan Þjóðskrár Íslands starfar umhverfishópur sem hefur það að sameiginlegu markmiði að Þjóðskrá Íslands og starfsmenn fylgi settum markmiðum.
- Umhverfishópur skal gera áætlun fyrir framkvæmdastjórn um hvernig græn skref skulu uppfyllt.
- Með þjálfun starfsmanna og ábyrgð hvers og eins er lagður grunnur að aukinni vitund í umhverfismálum.
- Innleiðing straumlínustjórnunar - eftirfylgni umbóta, árangur sé mælanlegur og sýnilegur.
Úrvinnsla og miðlun gagna er hvar og hvenær sem er
- Allt útgefið efni Þjóðskrár Íslands skal vera aðgengilegt á rafrænan hátt.
- Rafræn miðlun upplýsinga og gagna tryggir öryggi gagna og sparar viðskiptavinum sporin, sparar pappír og er þar af leiðandi umhverfisvænni.
- Þjóðskrá Íslands er leiðandi meðal ríkisstofnana þegar kemur að miðlun gagna og upplýsinga á rafrænan máta og nýtir til þess stjórnkerfi upplýsingaöryggis með BSI vottun, skv. ISO 27001 staðlinum.
Framtíðarsýn
- Langtímasýn og stefnur hjá Þjóðskrá Íslands skulu taka mið af umhverfisstefnu
- Umhverfisstefnan skal endurskoðuð á tveggja ára fresti.
- Verkferlar verða yfirfarnir og endurbættir með reglubundnum hætti.