Flutningur til Íslands

Undanþága frá auðkenningu

Þar sem afgreiðslur Þjóðskrár eru nú lokaðar vegna COVID-19 geta einstaklingar sem flytja til landsins eða óska eftir lögheimilisskráningu hér á landi, ekki mætt og auðkennt sig í eigin persónu líkt og lög gera ráð fyrir. Til að fá lögheimili skráð á Íslandi þarf að senda inn flutningstilkynningu á heimasíðu okkar og senda svo afrit af skilríkjum og flugmiða (ef þú ert nýkomin/n til landsins) í tölvupósti á netfangið skra@skra.is. Eins getur verið að frekari gagna verði krafist og haft verður samband ef svo er.

Athugið að þegar afgreiðslur Þjóðskrár opna að nýju þurfa allir sem flytja að mæta í eigin persónu og auðkenna sig í afgreiðslu Þjóðskrár eða á skrifstofu næsta lögregluembættis og framvísa vegabréfi eða öðru löggiltu ferðaskilríki. Sé þetta ekki gert er hætta á flutningurinn til landsins verði afturkallaður.

Athugið!
Til þess að hægt sé að skrá flutninginn þarf einnig að koma í eigin persónu í afgreiðslu Þjóðskrár í Reykjavík eða Akureyri eða til næsta lögregluembættis og framvísa löggildum skilríkjum.

Ef sambúð var slitið þegar búið var í útlöndum þá er hún ekki skráð aftur nema að Þjóðskrá berist tilkynning á þar til gerðu eyðublaði.

Ábending til foreldra/forráðamanna barna sem flytja til Íslands frá útlöndum. Þjóðskrá hvetur til þess að forsjárgögnum, frá því landi sem flutt er frá, sé skilað til stofnunarinnar þegar tilkynnt er um flutning barns til Íslands. Með því er hægt að skrá forsjá barns strax við heimkomu og einfaldar það meðal annars vottorða- og vegabréfaútgáfu og aðrar skráningar sem varða barnið og hagi þess. 

Flutning milli Norðurlanda þarf ávallt að tilkynna í eigin persónu hjá hlutaðeigandi skráningarskrifstofu í því landi sem flutt er til.

Til þess að hægt sé að skrá flutninginn þarf einnig að koma í eigin persónu í afgreiðslu Þjóðskrár í Reykjavík eða Akureyri eða til næsta lögregluembættis og framvísa löggildum skilríkjum. Tilkynna á flutning innan 7 daga eftir komu til landsins. Ekki er heimilt að skrá lögheimilisflutning lengra aftur í tímann en 14 daga, sbr. lög um lögheimili og aðsetur, nema hægt sé að framvísa gögnum sem staðfesta búsetu þína aftur í tímann, þá aldrei lengur en eitt ár aftur í tímann frá þeim degi þegar beiðni er lögð fram, sbr. 4. mgr. 16. gr. laganna.  Gögn sem staðfesta búsetu geta til dæmis verið undirritaður leigusamningur, hita- og rafmagnsreikningur eða önnur gögn sem staðfesta búsetu frá tilgreindum tíma. Nafn og kennitala ásamt tilgreindu heimilisfangi og dagsetning verða að koma fram í þessum gögnum. 

Skráning aðseturs

Hægt er að skrá aðsetur innanlands til dæmis vegna náms eða veikinda

Nánar um aðsetur

Dulið lögheimili

Einstaklingur og fjölskylda á sama lögheimili getur óskað eftir því að fá lögheimili sitt dulið.

Nánar um dulið lögheimili

Skoða skráningu í þjóðskrá á Ísland.is

Á mínum síðum á Ísland.is má sjá yfirlit yfir lögheimilisskráningu.

Mínar síður á Ísland.is

Póstfang

Athugið að einnig þarf að tilkynna flutning hjá Póstinum

Tilkynna