Kennitölur án vartölu
Gervikennitölur fara í miðlun 18.febrúar
Eftirfarandi kennitölur eru gervi einstaklingar sem miðlað verður tímabundið í skrám Þjóðskrá frá og með 18.febrúar. Þetta eru sömu kennitölur og áður hafa verið lagðar fram til prófana.
Mikilvægt er að prófa þessar kennitölur þegar þær koma á raun til að sjá hvort að þjónusta brotni. Best er að prófanir fari fram bæði í uppfletti og einnig hjá þeim sem sækja heildarskrá.
281191-3049 – Baldur ÞÍ Jónsson
020980-4299 – Jóna ÞÍ Haraldsdóttir
040404-4400 – Elma ÞÍ Martín
100514-8220 – Hreinn ÞÍ Guðlaugsson
241219-8560 – Anna ÞÍ Rúnarsdóttir
300322-8340 – Vala ÞÍ Baldvins
Gervikennitölur til prófunar fyrir kerfi
Þjóðskrá hefur nú lagt fram 6 gervikennitölur, 3 börn og 3 fullorðna, sem ekki standast vartölupróf. Fyrirtæki og stofnanir geta því prófað í sínum kerfum til að kanna hvort þau hleypi kennitölum án vartölu í gegn.
Nota þarf tvær kennitölur, sem ekki standast vartölupróf, til að prófa kerfi. Kennitölu sem finnst í þjóðskrá og kennitölu sem ekki finnst í þjóðskrá.
- Hvorug kennitalan virkar = Vartölupróf notað í kerfi eða undirkerfum
- Kennitalan úr þjóðskrá virkar = Kerfi staðreynir kennitölur í þjóðskrá og er ekki að nota vartölupróf
- Báðar kennitölur virka = Kerfi er hvorki að nota þjóðskrá eða vartölupróf til staðfestingar
Á þessari slóð er hægt að sækja gervikennitölur sem ekki standast vartölupróf
Kerfi með vartöluprófi
Afar mikilvægt að keyra gervikennitölurnar í gegnum kerfin til að sjá hvort þau stoppi á vartölu. Ef svo er, er mikilvægt að vartölupróf sé tekið af í kerfunum svo gagnaflutningur brotni ekki. Við vitum að nú þegar hafa mörg fyrirtæki og stofnanir tekið vartölupróf af en þau sem ekki hafa gert það ættu endilega að huga að því sem fyrst.
Aðgangur að gögnum úr þjóðskrá
Fyrirtækjum og stofnunum stendur til boða að nota skrár Þjóðskrár vegna starfsemi sinnar. Sækja þarf um aðgang og gera samning við Þjóðskrá áður en gögn verða aðgengileg hjá miðlara. Sjá nánar um aðgang að þjóðskrá.
Ef spurningar vakna eða eitthvað er óljóst þá vinsamlegast sendið fyrirspurnir á upplysingar@skra.is