Spurt og svarað varðandi kosningarétt í Grindavík
Hér má finna algengar spurningar og svör er varða kosningarétt fyrrum íbúa Grindavíkur sem vilja vera á kjörskrá í Grindavík í sveitarstjórnarkosningum 2026.
Með bráðabirgðaákvæði í lögum um kosningar 112/2021 er þeim sem höfðu lögheimili í Grindavik 9. nóvember 2023 en hafa síðar flutt lögheimilið til annars sveitarfélags veitt tækifæri til þess að kjósa í Grindavík í sveitarstjórnarkosningunum 16. maí 2026.
- Þeir sem eru með lögheimili í Grindavík við gerð kjörskrár þann 8. apríl 2026, eru sjálfkrafa með kosningarrétt í sveitarfélaginu og þurfa því ekki að sækja um að vera á kjörskrá í Grindavík
Kjósendur sem uppfylla eftirfarandi geta sótt um að vera á kjörskrá í Grindvík í næst komandi sveitarstjórnarkosningum:
- lögheimili í Grindavík 9. nóvember 2023
- hafa flutt lögheimilið til annars sveitarfélags
- eru ekki með lögheimili í Grindavík þegar sótt er um að vera á kjörskrá í sveitarfélaginu
Með umsókn til Þjóðskrár Íslands eigi síðar en 45 dögum fyrir kjördag þann 16. maí 2026.
- Umsóknin K-102 Kosningaréttur í Grindavík þarf að berast Þjóðskrá Íslands í síðasta lagi 1. apríl 2026.
- Ef þú færð samþykkta umsókn um að vera á kjörskrá í Grindavík telst þú hafa afsalað þér kosningarrétti í því sveitarfélagi þar sem þú hefur nú lögheimili
- Það er ekki heimilt að vera á kjörskrá í tveimur sveitarfélögum í sömu kosningum
- Umsóknin gildir fyrir eingöngu fyrir sveitarstjórnarkosningar 2026
Skilyrði fyrir að sækja um að vera á kjörskrá í Grindavík
- Lögheimili á Íslandi við umsókn og í öðru sveitarfélagi en Grindavík
- Lögheimili þarf að hafa verið í Grindavík (2300) þann 9.11.2023
- Íslenskir og norrænir ríkisborgarar - 18 ára og eldri á kjördag
- Aðrir erlendir ríkisborgarar sem hafa samfellda 3 ára búsetu á Íslandi á kjördag