Á síðasta ári stofnuðu 4.015 einstaklingar til hjúskapar sem er tæplega 21% aukning frá árinu 2016. Met var slegið í skráningu hjúskapar á síðasta ári og hefur verið stöðug aukning frá 2014. Þess má geta að síðasti „toppur“ í skráningu hjúskapar var árið 2007 þegar 3.840 einstaklingar skráðu sig í hjúskap. Skráningu í hjúskap fækkaði töluvert næstu ár á eftir.
Lögskilnaðir tengjast óneitanlega hjúskap. Árið 2017 voru 1.462 lögskilnaðir skráðir í þjóðskrá og var það aukning um 57 frá árinu áður eða um 4%. Aldrei hafa fleiri lögskilnaðir verið skráðir en árið 2017, en árið 2016 var einnig metár.
.png)