Þjóðskrá hefur birt endurbætta útgáfu af mánaðarveltu í fasteignaviðskiptum. Í fyrsta sinn er yfirlit yfir fasteignaviðskipti aðgengilegt eftir sveitarfélögum aftur til 2006. Miðað er við núverandi sveitarfélagaskipan.
Allir þinglýstir kaupsamningar eru skráðir í kaupskrá Þjóðskrár og birtir Þjóðskrá gögn um bæði fjölda samninga og veltu eftir landshlutum og sveitarfélögum ásamt tegundum húsnæðis. Gögnin eru sjálfvirkt uppfærð á hverjum degi eftir því sem kaupsamningar eru skráðir í kaupskrá.