Þjóðskrá Íslands vekur athygli á því að umsókn um að vera tekinn á kjörskrá í Grindavík þarf að berast Þjóðskrá Íslands í síðasta lagi 1. apríl 2026.
Umsóknin er einungis fyrir þá sem höfðu lögheimili í Grindavík þann 9. nóvember 2023 og eru ekki með lögheimili í sveitarfélaginu að svo stöddu. Þannig þurfa þeir sem eru með lögheimili í Grindavík ekki að sækja um.
Umsóknina er að finna hér - Umsókn K-102 Kosningaréttur í Grindavík
- Umsóknin er rafræn og þarf að nota rafræna innskráningu. Hægt er að nota Auðkennisappið eða rafræn skilríki á síma.
- Þeir sem uppfylla skilyrði um búsetu 9.11.2023 og ásamt almennum skilyrðum um kosningarétt í sveitarstjórnarkosningum fá staðfestingu á kosningarétti í Grindavík þegar umsókn hefur verið send inn.
- Athugið að umsókn um að vera tekinn á kjörskrá í Grindavík telst afsal á kosningarétti í lögheimilissveitarfélagi
- Ef vandamál koma upp í rafræna umsóknarferlinu má senda erindi á kosningar@skra.is
- Þeir sem ekki hafa tök á að sækja um rafrænt geta sent erindi á netfangið kosningar@skra.is og fengið leiðbeiningar um annað umsóknarferli
Hægt er að fá nánari upplýsingar í síma 515-5300 eða með tölvupósti á kosningar@skra.is