Kerfiskennitala á kerfiskennitöluskrá
Beiðni um skráningu og úthlutun kerfiskennitölu fyrir erlendan ríkisborgara.
Prókúruhafi opinbers aðila þarf að veita starfsmanni umboð á island.is til að viðkomandi fái aðgang. Hér eru leiðbeiningar.
Staðfesting verður send í tölvupósti.
Flest mál eru afgreidd innan nokkurra daga, en í sumum tilvikum getur afgreiðslan tekið lengri tíma.
Athugið
Frá og með 1. janúar 2020 geta einungis opinberir aðilar sótt um kerfiskennitölur skv. 11. gr. laga um skráningu einstaklinga nr. 140/2019. Umsóknir um kerfiskennitölur sem berast frá lögaðilum sem ekki teljast til opinberra aðila verður hafnað á grundvelli fyrrnefndra lagaEinungis opinberir aðilar geta sótt um kerfiskennitölu fyrir erlenda ríkisborgara. Umsóknir þurfa að berast rafrænt og með rafrænni auðkenningu. Með umsókninni staðfestir opinberi aðilinn að hann sækir um kerfiskennitöluna vegna sérstakar nauðsynjar sbr. ofangreint viðmið og til eigin notkunar.
Athugið að skráning á kerfiskennitöluskrá er eingöngu fyrir einstaklinga sem dvelja skemur en 3-6 mánuði á Íslandi eða hafa enga viðdvöl hér á landi. Skráningin veitir engin réttindi á Íslandi. Ef erlendur ríkisborgari hyggst dvelja lengur en 3-6 mánuði á Íslandi og njóta réttinda hér á landi þá gildir eftirfarandi: EES/EFTA ríkisborgarar sem ætla að dvelja umfram þrjá mánuði nota eyðublað A-270 (íslenska) eða A-271 (enska). Norðurlandabúar sem ætla að dvelja umfram sex mánuði nota eyðublað A-257. Aðrir sækja skráningu til Útlendingastofnunar.