Börn og ungmenni
Afgreiðslutími umsókna um lögheimilisskráningu á Íslandi er allt að 10 virkir dagar eftir að öllum fullnægjandi gögnum hefur verið skilað inn.
Þú getur skráð lögheimili þitt á Íslandi ef
- Þú ert ríkisborgari EES/EFTA ríkis, undir 21 árs.
- Þú ert búsettur á Íslandi
Börn og ungmenni undir 21 árs sem eru ríkisborgarar EES/EFTA ríkja geta skráð lögheimili sitt hér á landi.
Komi börn eða ungmenni undir 21 árs á grundvelli sjálfstæðs réttar síns sem EES/EFTA ríkisborgar, gilda búsetuskilyrði eigin framfærslu ef við á, nema börn komi sem launþegar, námsmenn, sjálfstætt starfandi eða útsendir starfsmenn.
Komi börn til Íslands sem aðstandendur EES/EFTA ríkisborgara hafa þau rétt til dvalar á þeim grundvelli svo lengi sem aðstandandi þeirra uppfyllir búsetuskilyrðin. Það þýðir m.a. að ef börn dvelja hjá aðstandanda sínum á Íslandi sem er ekki launþegi, sjálfstætt starfandi, eða útsendur starfsmaður þarf við umsókn að leggja fram gögn um :
- Framfærslugetu ættingjans ef ættinginn er ekki foreldri eða forsjáraðili barnsins
- Yfirlýsingu um vilja ættingjans til að framfleyta barni ef ættinginn er ekki foreldri eða forsjáraðili barnsins
- Einkasjúkratryggingu hjá tryggingafélagi sem tryggir alla áhættu þar til umsækjandi hefur haft lögheimili á Íslandi í 6 mánuði. Sex mánaða lögheimilisskráning er forsenda þess að njóta sjúkratrygginga almannatrygginga.
Sömu skilyrði eiga við um börn sem koma á eigin framfærslu.
EES/EFTA borgarar sem dvelja á Íslandi í 5 ár, geta átt rétt á ótímabundnum dvalarrétti ef þeir uppfylla skilyrði.
Ef þú hyggst dvelja hér á landi skemur en 3 mánuði þá uppfyllir þú ekki skilyrði til lögheimilisskráningar og getur sótt um kerfiskennitölu, sjá nánar hér.
Ef þú hyggst dvelja hér á landi lengur en 3 mánuði þarftu að sækja um lögheimilisskráningu á Íslandi. Þá hefur þú rétt til að dvelja á Íslandi svo lengi sem foreldrar þínir eða sá sem þú dvelur hjá uppfyllir skilyrði til lögheimilisskráningar.
Einstaklingum er heimilt að fara erlendis í allt að 6 mánuði án þess að skrá lögheimili sitt úr landi.
Ekki þarf að skrá sig úr landi vegna dvalar erlendis lengur en 6 mánuði ef eitthvert eftirfarandi skilyrða á við: - Lengri fjarvera í eitt eða fleiri skipti vegna skyldubundinnar herþjónustu. - Fjarvera að hámarki 12 mánuði samfleytt af áríðandi ástæðum, svo sem vegna þungunar og barneignar, alvarlegra veikinda, náms eða starfsnáms eða starfa sem viðkomandi er sendur til í öðru EES/EFTA ríki eða þriðja landi.
Ef þú ferð úr landi lengur en 6 mánuði og engin af ofangreindum ástæðum eiga við, þarftu að skrá þig úr landi hér. Nánari upplýsingar um flutninga úr landi er að finna hér.
Ef þú skráðir þig úr landi, en ert kominn aftur til landsins, þarf að sækja aftur um lögheimilisskráningu innan 3 mánaða með umsókn A-271.
Hafi EES/EFTA ríkisborgari fengið ótímabundinn dvalarrétt á Íslandi, hefur dvöl erlendis ekki áhrif á dvalarrétt hans nema hún vari lengur en tvö ár.
Vakin er athygli á að það er ekki heimilt að vera með skráð lögheimili í tveimur löndum á sama tíma, samkvæmt 1. mgr. 2. gr. laga nr. 80/2018 um lögheimili og aðsetur.
Þú getur sótt um lögheimilisskráningu með umsókn A-270 sem er að finna hægra megin á síðunni.
Með umsókn þarf ávallt að leggja fram gilt vegabréf eða persónuskilríki ásamt fæðingarvottorði og þýðingu, ef við á, á, ásamt öðrum nauðsynlegum gögnum sem sýna fram á að þú uppfyllir skilyrði til lögheimilisskráningar.
Hvaða gögnum þarf að skila inn með umsókn fyrir börn undir 18 ára?
Þú þarft að skila inn eftirfarandi gögnum til að senda inn umsókn :
- Frumrit fæðingarvottorðs ásamt þýðingu af löggildum skjalaþýðanda ef við á, þarf að koma með á skrifstofu Þjóðskrár eða á næstu lögreglustöð.
- Afrit af vegabréfi eða persónuskilríki beggja foreldra.
Ef báðir foreldrar eru skráðir með lögheimili á Íslandi, þarf að leggja fram eftirfarandi gögn :
- Ef foreldrar eru í hjúskap eða sambúð, þarf að skila inn gögnum í frumriti því til staðfestingar.
- Ef foreldrar eru hvorki skráð í hjúskap eða sambúð, en á sama lögheimili þarf að skila inn forsjárgögnum sem staðfesta hjá hverjum barnið skal vera skráð í þjóðskrá. (sjá eyðublað hér)
- Ef foreldrar eru skráðir með lögheimili, en á sitthvoru heimilisfanginu, þarf að senda staðfestingu hjá hverjum barnið skal vera skráð í þjóðskrá. (sjá eyðublað hér)
Ef einungis annað foreldri er skráð með lögheimili á Íslandi þá þarf að skila inn forsjárgögnum sem staðfesta forsjá barnsins. Ef forsjá barnsins er sameiginleg, er krafist samþykki þess foreldris sem er ekki að flytja til landsins.
Ef hvorugt foreldra er skráð með lögheimili á Íslandi, þarf að leggja fram eftirfarandi gögn :
- Skriflegt samþykki beggja foreldra um að barnið megi vera skráð með lögheimili á Íslandi. (sjá samþykkiseyðublað hér), Athugið að báðir foreldrar/forsjáraðilar þurfa að undirrita samþykkiseyðublaðið. Einnig þarf sá sem barnið mun dvelja hjá, að undirrita neðst á eyðublaðinu.
Öll gögn skulu vera á íslensku eða ensku. Ef gögn eru á öðru tungumáli, skal skila inn frumriti ásamt löggildri þýðingu frá löggildum skjalaþýðanda.
Hvaða gögnum þarf að skila inn með umsókn fyrir ungmenni 18-21 árs:
- Vegabréf
Valkvætt er að senda eftirfarandi gögn með umsókn en ávallt þarf að sýna frumrit við komu til landsins :
- Fæðingarvottorð
- Hjúskaparstöðuvottorð. Þar sem skráning hjúskaparstöðu getur haft áhrif á réttindi einstaklinga, og eftir atvikum barna þeirra, ráðleggur stofnunin að því vottorði sé skilað inn (ef við á).
Athugið. Misnotkun eða svik geta leitt til þess að dvalarréttur einstaklings verði afturkallaður.