Íbúum Reykjavíkur fjölgaði um 1.630 á tímabilinu frá 1. desember 2018 til 1. september sl. Þetta er hlutfallsleg fjölgun upp á 1,3%. Þau sveitarfélög sem næst komu voru Kópavogur með 604 íbúa eða 1,6% fjölgun og Reykjanesbær með 446 íbúa eða 2,4% fjölgun.
Hlutfallslega mest fjölgun í Borgarfjarðarhreppi
Þegar horft er til alls landsins þá fjölgaði íbúum Borgarfjarðarhrepps hlutfallslega mest eða um 9,2%, um 6 íbúa eða úr 109 í 119 íbúa.
Íbúum fækkaði hlutfallslega mest í Langanesbyggð, um 5,5% og í Hvalfjarðarsveit um 5,1%.
Þá fækkaði íbúum í 16 af 72 sveitarfélögum landsins frá 1. desember síðastliðinn
Fjölgar í öllum landshlutum nema á Vestfjörðum
Lítilsháttar fjölgun hefur orðið í öllum landshlutum frá 1. desember sl. nema á Vestfjörðum þar sem fækkar um 7 manns.
Hlutfallslega mest fjölgun varð á Suðurlandi. Þar fjölgaði um 788 íbúa eða 2,7%. Íbúum höfuðborgarsvæðisins fjölgaði um 3.380 eða 1,5% og íbúum á Suðurnesjum fjölgaði um 601 eða 2,2%.
Íbúum landsins hefur fjölgað um 5.127 manns eða 1,4% á ofangreindu tímabili. Þann 1. september sl. voru 361.798 einstaklingar skráðir með búsetu hér á landi samkvæmt skráningu Þjóðskrár Íslands.
.PNG)
Hér má sjá töflu yfir fjölda íbúa eftir sveitafélögum þann 1. september sl. og samanburð við íbúatölur frá 1. desember 2017 og 2018.
Tölurnar byggja á skráningu einstaklinga í sveitarfélög samkvæmt skráningu Þjóðskrár Íslands.
Skrá á póstlista markaðsfrétta ÞÍ.
Öllum er heimil afnot af fréttinni og meðfylgjandi gögnum en vinsamlegast getið heimildar.