Upplýsingar um leiguverð íbúðarhúsnæðis í október 2019

Vísitala leiguverðs á höfuðborgarsvæðinu var 199,1 stig í október 2019 (janúar 2011=100) og lækkar um 0,3% frá fyrri mánuði.

Hlusta

Mynd sem sýnir þróun vísitölu leiguverðs síðastliðna 12 mánuði

Vísitala leiguverðs á höfuðborgarsvæðinu var 199,1 stig í október 2019 (janúar 2011=100) og lækkar um 0,3% frá fyrri mánuði. Síðastliðna 3 mánuði hækkaði vísitalan um 1,6% og síðastliðna 12 mánuði hækkaði hún um 3,5%. Vísitala leiguverðs á höfuðborgarsvæðinu sýnir breytingar á vegnu meðaltali fermetraverðs.

Íbúðarhúsnæði er skipt í flokka eftir herbergjafjölda og staðsetningu. Reiknað er meðalfermetraverð fyrir 6 flokka íbúðarhúsnæðis. Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 12 mánuði.

Birtingu vísitölunnar er ætlað að varpa ljósi á þróun leiguverðs samkvæmt þeim gögnum sem liggja fyrir á hverjum tíma. Þjóðskrá Íslands áskilur sér rétt til að endurskoða vísitöluna aftur í tímann í ljósi fyllri gagna eða fágaðri aðferðafræði. Vísitalan er ekki ætluð til að verðtryggja fjárskuldbindingar.
Tímaröð fyrir vísitöluna er hægt að skoða í Excel skjali. Einnig er hægt að nálgast sömu gögn á talnaefnissíðu ÞÍ.

Leiguverð

Teknar hafa verið saman upplýsingar um leiguverð eftir staðsetningu og stærðarflokkum fasteigna á landinu í október 2019.

Í leigugagnagrunni Þjóðskrár eru 957 samningar, sem þinglýst var í október 2019. Við úrvinnslu talnaupplýsinga um leiguverð var leigusamningum sem eru eldri en 60 daga við þinglýsingu, samningum þar sem herbergjafjöldi íbúða er ekki þekktur, samningum um félagslegar íbúðir o.fl. sleppt. Talnaupplýsingar um leiguverð í október 2019 eru því unnar upp úr 752 leigusamningum sem þinglýst var í október 2019.

Eftirfarandi tafla sýnir meðalleiguverð á hvern fermetra í október 2019 fyrir mismunandi stærðir íbúða og staðsetningu.

Svæði	Stúdíó íbúð	2 herbergja	3 herbergja	4-5 herbergja
Reykjavík, vestan Kringlumýrarbrautar og Seltjarnarnes	4955	3158	2805	2500
Reykjavík milli Kringlumýrarbrautar og Reykjanesbrautar	4510	3216	2571	2367
Kópavogur	3722	2817	2398	2445
Garðabær og Hafnarfjörður	4017	2959	2770	2241
Grafarvogur, Grafarholt, Árbær, Norðlingaholt og Úlfarsárdalur	4131	2793	2419	2126
Breiðholt	-	2651	2374	2155
Kjalarnes og Mosfellsbær	-	2508	2433	2169
Suðurnes	4089	2509	1833	1576
Vesturland	-	1995	1738	1185
Vestfirðir	-	-	940	-
Norðurland nema Akureyri	2140	1588	1346	1203
Akureyri	3610	2443	2080	1603
Austurland	-	-	1476	1041
Suðurland	-	2263	1620	1803

Í Excel skjali eru sömu upplýsingar auk staðalfráviks,upplýsinga um fjölda leigusamninga, meðalbyggingarár og meðalflatarmál leigðra eigna í hverjum flokki auk eldri gagna. Meðaltöl eru birt ef þrír eða fleiri samningar eru í úrtaki flokks og staðalfrávik fyrir fimm eða fleiri samninga.

Skrá á póstlista markaðsfrétta ÞÍ.

Útgáfuáætlun ÞÍ.

Öllum er heimil afnot af fréttinni og meðfylgjandi gögnum en vinsamlegast getið heimildar.

Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár.

Skoða nánar