Íbúum Reykjavíkurborgar fjölgaði um 618 á tímabilinu frá 1. desember 2019 til 1. mars sl. Næstmest fjölgun átti sér stað í Kópavogsbæ en þar fjölgaði íbúum um 181 yfir sama tímabil.
Hlutfallslega mest fjölgun í Ásahreppi
Þegar horft er til alls landsins þá hefur íbúum Ásahrepps fjölgað hlutfallslega mest síðastliðna þrjá mánuði eða um 3,6%, en íbúum þar fjölgaði úr 251 í 260 íbúa.
Íbúum fækkaði hlutfallslega mest í Svalbarðsstrandarhreppi eða um 5,0%. Þá fækkaði íbúum í 26 sveitarfélögum af 72 á ofangreindu tímabili.
Fækkun í þremur landshlutum
Fækkun varð í þremur landshlutum, þ.e. Norðurlandi vestra, Norðurlandi eystra og Vesturlandi.
Íbúum á höfuðborgarsvæðinu fjölgaði um 917 og á Suðurnesjum um 181. Íbúum á Norðurlandi vestra fækkaði um 15 og á Norðurlandi eystra um 58.
Hér má sjá töflu yfir fjölda íbúa eftir sveitafélögum og samanburð við íbúatölur frá 1. desember 2018 og 2019.
Tölurnar styðjast við búsetuskráningu í þjóðskrá.
Öllum er heimil afnot af fréttinni og meðfylgjandi gögnum en vinsamlegast getið heimildar.