Vísitala íbúðaverðs á höfuðborgarsvæðinu í júní 2020

21.07.2020

Vísitala íbúðaverðs á höfuðborgarsvæðinu í júní 2020

 

Vísitala íbúðaverðs á höfuðborgarsvæðinu var 649,0 stig í júní 2020  (janúar 1994=100) og hækkar um 0,2% á milli mánaða. Síðastliðna 3 mánuði hækkaði vísitalan um 1,0%, síðastliðna 6 mánuði hækkaði hún um 2,2% og síðastliðna 12 mánuði hækkaði hún um 3,8%.

Vísitala íbúðaverðs á höfuðborgarsvæðinu sýnir breytingar á vegnu meðaltali fermetraverðs.

Íbúðarhúsnæði er skipt í flokka eftir stærð og hvort það telst fjölbýli eða sérbýli. Reiknað er meðalfermetraverð fyrir 9 flokka íbúðarhúsnæðis. Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 24 mánuði.

Birtingu vísitölunnar er ætlað að varpa ljósi á þróun fasteignaverðs samkvæmt þeim gögnum sem liggja fyrir á hverjum tíma. Þjóðskrá Íslands áskilur sér rétt til að endurskoða vísitöluna aftur í tímann í ljósi fyllri gagna eða fágaðri aðferðafræði. Vísitalan er ekki ætluð til að verðtryggja fjárskuldbindingar. Hægt er að nálgast upplýsingar á talnaefnissíðu ÞÍ.

Öllum eru heimil afnot af fréttinni og meðfylgjandi gögnum en vinsamlegast getið heimildar.

Vísitala íbúðarverðs á höfuðborgarsvæðinu fyrir júlí 2020 verður birt 18. ágúst n.k.

Skrá á póstlista markaðsfrétta ÞÍ.

Útgáfuáætlun ÞÍ.


Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár Íslands út desember 2020.

Skoða nánar
Fannst þér efnið á síðunni hjálplegt?