Stolið/týnt nafnskírteini
Tilkynning um stolið/týnt nafnskírteini
Athugið
Ef verið er að tilkynna um stolið/týnt nafnskírteini barns þá þurfa báðir forsjáraðilar að senda inn tilkynningu/staðfestingu um glatað nafnskírteini ef um sameiginlega forsjá er að ræða.
Nafnskírteini sem tilkynnt eru glötuð eru skráð inn í Schengen og Interpol upplýsingakerfin og eru þar með ónothæf. Tilkynna skal lögreglu, Þjóðskrá, sýslumanni, sendiráð eða ræðisskrifstofur erlendis þegar í stað ef nafnskírteini glatast og skal þá gera sérstaka grein fyrir afdrifum þess.
Skv. 7. mgr. laga um nafnskírteini skal nýtt nafnskírteini gefið út með sama gildistíma og fyrra nafnskírteini ef það hefur verið tilkynnt glatað.
Komi nafnskírteini í leitirnar skal skila því til lögreglu, Þjóðskrá, sýslumanni, sendiráð eða ræðisskrifstofur erlendis.