Nafnbreyting barns yngra en 18 ára
Beiðni um breytingu á nafni fyrir barn yngra en 18 ára
Staðfesting verður send í tölvupósti.
Flest mál eru afgreidd innan nokkurra daga, en í sumum tilvikum getur afgreiðslan tekið lengri tíma.
Athugið
Nauðsynlegt er að tilgreina ástæðu ef um breytingu á eiginnafni eða millinafni er um að ræða. Einnig ef óskað er eftir breytingu á kenninafni sem ekki er kenning við foreldri eða upptöku á ættarnafni.
Ef breyta á kenninafni barns þá þarf ávallt samþykki þess sem barnið er nú kennt við, þó að viðkomandi fari ekki með forsjá þess. Ef kenna á barn til stjúpforeldris eða fósturforeldris þá þarf ávallt samþykki kynforeldra þrátt fyrir að barn sé ekki kennt til þeirra né fari þau með forsjá barnsins. Kenning til stjúpforeldris er einungis heimiluð þegar kenna á barn til hjúskaparmaka foreldris.
Vakin er athygli á því að gögn sem eru lögð fram við meðferð máls verða send öðrum aðilum málsins og þeim gefinn kostur á því að tjá sig um þau í samræmi við ákvæði stjórnsýslulaga nr. 37/1993.
Ef það foreldri, sem barn hefur verið kennt til, er andvígt kenninafnsbreytingu þess, getur Þjóðskrá Íslands leyft hana ef sérstaklega stendur á og telja verður að breytingin verði barninu til verulegs hagræðis. Ýmis gögn geta komið að gagni við að upplýsa hvort framangreind skilyrði laga séu uppfyllt, svo sem greinargerð sálfræðings, félagsráðgjafa eða annars sérfræðings um líðan barns, afstöðu þess til kenninafnsbreytingar, hagsmuni og aðstöðu barns. Einnig getur haft þýðingu að líta til þess hvort lítil tengsl séu eða hafi verið milli barns og þess foreldris sem það er kennt til. Hægt að sýna fram á framangreint t.a.m. með framlagningu gagna um umgengni.
Vakin er athygli á því að vanalega þarf ekki ítarleg gögn um hagi foreldra, til dæmis heilsufarsupplýsingar, upplýsingar um fjárhag o.fl. .Að jafnaði nægir að leggja fram gögn sem varða hagi barnsins.
Ef um stálpað barn er að ræða vegur vilji þess þungt við mat um það hvort nafnbreyting sé heimiluð.
It is necessary to specify a reason if a change of given name or middle name is requested. Reasoning is also required when change in surname is requested that is not linked to fathers or mothers name or a family name.