Alls voru 65,6% landsmanna skráðir í Þjóðkirkjuna þann 1. nóvember sl. eða 232.905 manns. Frá 1. desember 2017 hefur þeim sem eru skráðir í Þjóðkirkjuna fækkað um 2.186 manns eða 0,9%.
Á sama tímabili fjölgaði mest í kaþólska söfnuðinum um 439 manns eða um 3,3%. Í Siðmennt fjölgaði félagsmönnum um 414 manns eða um 18,2% og í Ásatrúarfélaginu um 337 manns.
Félagsmönnum fækkaði hlutfallslega mest í trúfélaginu Zuism eða um 192 manns sem er 9,9% fækkun. Þess má geta að mest hlutfallsleg aukning var í stofnun múslima á Íslandi eða um 88,4% sem er fjölgun um 76 meðlimi en í dag eru 162 meðlimir í trúfélaginu.
Fjölgar utan trú- og lífsskoðunarfélaga
Alls eru 24.599 einstaklingar skráðir utan trú- og lífsskoðunarfélaga þann 1. nóvember sl. og fjölgaði þeim um 2.057 frá 1. desember eða um 9,1%.
Hér má sjá töflu yfir fjölda skráðra eftir trú- og lífsskoðunarfélög þann 1. nóvember sl. og samanburð við tölur frá 1. desember 2017.
